«Без төрле, ләкин без бердәм»

Бу бәйрәм бик зур тарихи һәм рүхи мәгънәгә ия. Ул тынычлык, иминлек, бәйсезлек өчен бердәмлек символын чагылдыра. Бердәмлек көче белән илебезнең бәйсезлеген һәм бөтенлеген саклап кала алган бабаларыбызның бөек батырлыгын бөтен халык тарафыннан тану һәм ихтирам итү көне. Татарстан – илебез территориясендә тугандаш халыкларның үзара ышанычына һәм хөрмәтенә нигезләнгән милли бердәмлек үрнәге булган республика. Биредә төрле милләт, төрле дин вәкилләре бер гаилә булып яши. Бәйрәм уңаеннан Түбән Көек авылы китапханәсе мәдәният йорты белән берлектә “Без төрле, ләкин без бердәм” дип исемләнгән чара үткәрде.