Әтнә таңы

Иммунолог: Көз көне Covid-19 көчлерәк булырга мөмкин

Covid-19 белән сезонлы инфекцияләр очрашкач, бер-берсенә ничек тәэсир итүләре әлегә билгесез, диде академик.

(Казан, 10 август, «Татар-информ»). Көз көне Covid-19 коронавирус авыруы көчлерәк булырга мөмкин. Бу хакта «Известия» газетасына биргән интервьюсында Санкт-Петербургның баш иммунологы һәм Пастер исемендәге эпидемиология һәм микробиология фәнни-тикшеренү институты директоры РФА академигы Арег Тотолян кисәтте.

«Көзен без Covid-19ның авыррак төре белән очраша алабыз. Моңа психологик яктан әзер булырга тиеш», — дип ассызыклады тикшеренүче.

Реклама

Академик сүзләренчә, Covid-19 белән сезонлы инфекцияләр очрашкач, бер-берсенә ничек тәэсир итүләре буенча әлегә фәнни нигезләнгән мәгълүмат юк».

Моннан тыш, үз-үзен изоляцияләгән кешеләрнең авыруны ничек кичерәчәге аңлашылмый, чөнки алар мондый режимны даими рәвештә саклый алмый, дип билгеләп үтте Тотолян. 

 Чыганак: https://tatar-inform.tatar/news/health/10-08-2020/immunolog-k-z-k-ne-covid-19-k-chler-k-bulyrga-m-mkin

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: