Әтнәдә - "Россиянең чаңгы юлы -2019" - фоторепортаж
Бүген Г.Тукай исемендәге Әтнә авыл хуҗалыгы техникумы каршында чаңгы бәйгесенә чыгучылар җыйналды.
Әтнәдә “Россиянең чаңгы юлы-2019” бәйгесе быел үзгәрәк булды
Чаңгыга баскан өч йөздән артык кеше 8 категория буенча ярышты. Җитәкчеләр, физкультура укытучыларына аерым таләп куелды.
Яшьләр эше һәм спорт бүлеге, район спорт мәктәбе хезмәткәрләре оештырган, Г.Тукай исемендәге Әтнә авыл хуҗалыгы каршындагы басуда узган “Чаңгы юлы – 2019” бәйгесенә быел өч йөздән артык кеше катнашты.
Махсус теркәлеп ярышканнар да, үз җаена шуып йөрүчеләр дә булды. Бәйгегә катнашкан чаңгычылар яшьләренә карап, яшь төркемнәренә, мәсәлән, 14-18, 18-29, 30-39, 40-49, 50-59, 60 яшь һәм аннан өлкәнрәкләргә бүленеп ярыштылар. 30 җитәкче үзләре аерым, физкультура укытучылары бәйгегә үзләре аерым төркем булып катнашты.
Ярышның җиңүчеләре һәм призерлары яшьләр, хатын-кызлар, ирләр арасында аерым билгеләнеп, җиңүчеләргә Мактау кәгазьләре, истәлек бүләкләре тапшырылды. 60 яшьтән өлкәнрәкләр төркемендә катнашучы Мәгъфия апа Хафизова белән Мансур абый Сафин аерым хөрмәткә лаек булды.
Хатын-кызлар өчен дистанция - 1500 метр, ирләр өчен 3000 метр итеп билгеләнде.
Г.Мөхәмәдҗанова фотолары
Следите за самым важным и интересным в Telegram-каналеТатмедиа
Нет комментариев