Әтнәдә урып- җыю төгәлләнде

Районыбыз басуларындагы соңгы гектарларда эш төгәлләнде. Комбайннар бер рәткә тезелеп паркларга кайттылар. 

Игенчеләр агымдагы елда бөртеклеләрдән 59366 тонна ашлык җыйнадылар.

 Гектарыннан 33,2 центнер уңыш алынды.

Иң зур уңыш белән “Ленин” куандырды – биредә ул 38,2 центнер/гектар. Хуҗалык көзге һәм сабан бодайларыннан һәм арпадан да район буенча иң зур уңыш җыеп алды.
Район канаты астында саналган 3 хуҗалык буенча уртача уңыш – 23,9 центнер/гектар.