Вазыйх Хисматуллин: "Авыл яңара, яшәрә - шунысы зур куаныч"

" Авылыбызда үзгәрешләр гел яхшы якка. Үзем эшләгән чорда да алдыма төп максат итеп аны яңарту, яшәртүне куйган идем. Бүгенге көндә авылыбызның иң тар урамнарына да асфальт юл салынды. Чишмәләр төзекләндерелде, утлар балкып яна. Яшьләр өчен дә бөтен уңайлыклар бар биредә. Күмәк хуҗалыкта хезмәт хакы югары, аны вакытында бирәләр. Бүген- иртәгә авылыбыз уртасында капиталь ремонттан соң матур итеп яңартылган мәдәният йорты ачылырга тора. Мәктәп, балалар бакчасы - бар да өр яңадан үзгәртелеп, балалар өчен бөтен шартлар тудырылып эшләнде.  Авыл халкы өчен эшләп килгән махсус программалар үзләрен тулаем аклап килә. Сайлауларда тавыш биреп, үзебезнең киләчәкне үзебез сайлыйбыз", - ди ул.