Камил хәзрәт Сәмигуллин Эльбрус тавына Татарстан флагын алып менде

(Казан, 3 гыйнвар, «Татар-информ», Дмитрий Киселев). Татарстан мөфтие Камил хәзрәт Сәмигуллин, джиу-джитсу буенча кышкы җыенга килгәч, Эльбрус тавына - 4460 метр биеклеккә күтәрелде. Биредә ул Татарстан флагын тотып истәлеккә фотога төште.

«Бу көннәрдә мин Россия джитсерларының кышкы спорт җыеннарында. Көненә икешәр тапкыр күнекмәләр үткәрәбез, джиу-джитсу буенча Россия чемпионы Дауд Адаев белән бергә сугышчан осталыкны камилләштерәбез. Шулай ук Эльбрус тавына 4460 метр биеклеккә күтәрелдем», - дип белдерде ТР мөселманнары Диния нәзарәте рәисе.

Шул ук вакытта, Камил хәзрәт искәрткәнчә, 4460 метр - «кышкы чорда тауга күтәрелүдә иң югары дәрәҗә». Эльбрусның биеклеге – 5642 метр.

Чыганак: https://tatar-inform.tatar/news/sport/03-01-2021/kamil-h-zr-t-s-migullin-elbrus-tavyna-tatarstan-flagyn-alyp-mende-5797012