Хатынын һәм балаларын үтергән өчен гомерлеккә хөкем ителде

(Казан, 21 июль, «Татар-информ», Елена Сәлахова). Татарстан Югары суды Менделеевскида яшәүче 41 яшьлек Айнур Харисовны элеккеге хатынын һәм балаларны рәхимсез рәвештә үтергән өчен гомерлеккә хөкем итте.

Ир-ат бөтен калган гомерен махсус режимлы колониядә уздырачак.

Шунысын билгеләп үтәргә кирәк, судта дәүләт гаепләвен Татарстан Республикасы прокуроры Илдус Нәфыйков тәкъдим итте

Элегрәк «Татар-информ» мәгълүмат агентлыгы хәбәр иткәнчә, Татарстан Югары судында Айнур Харисов соңгы сүз белән чыгыш ясады, анда үзе өчен үлем җәзасы сорады.

Коточкыч фаҗига узган елның декабрендә булды. Ир-ат үзенең элеккеге хатынына, кечкенә балага һәм үги улына пычак белән ташлана. Тагын бер 12 яшьлек бала качып китә алган.

Ир-атны кулга алгач, ул мондый куркыныч адымга көнләшү аркасында баруын сөйләде.

Чыганак: https://tatar-inform.tatar/news/incident/21-07-2020/mendeleevsk-keshese-hatynyn-m-balalaryn-terg-n-chen-gomerlekk-h-kem-itelde-5758110