Пенсия ничек артачак?

(Казан, 28 июль, «Татар-информ», Эльвира Зәйнуллина). Россиядә эшләмәүче пенсионерларның пенсиясе артыр дип көтелә. РФ Хезмәт һәм социаль яклау министрлыгында фаразлауларынча, киләсе елда пенсияләр 6,3 процентка индексацияләнәчәк. Бу хакта РИА Новости ведомствоның матбугат хезмәтенә сылтама белән хәбәр итә.

Әйтик, 2021-2024 елларда индексация көтелгән инфляция дәрәҗәсеннән артып китәчәк, шул исәптән 2021 елның 1 гыйнварыннан пенсияләр – 6,3, 2022 елның 1 гыйнварыннан – 5,9, 2023 елның 1 гыйнварыннан – 5,6, 2024 елның 1 гыйнварыннан 5,5 процентка индексацияләнәчәк.

Ведомствода билгеләп үтүләренчә, 2024 елдан соң пенсияләр Россия Пенсия фонды бюджетының керемнәре артудан чыгып үсүен дәвам итәчәк. Бу хәзерге һәм булачак пенсионерлар өчен түләүләрнең артачагын аңлата.

Чыганак: https://tatar-inform.tatar/news/society/28-07-2020/hezm-t-m-sotsial-yaklau-ministrlygynda-pensiyane-nichek-artachagy-turynda-s-yl-del-r-5759657