Татарстанда мэр, район башлыгы һәм депутатларның хезмәт хакы артачак

(Казан, 7 август, «Татар-информ»). Татарстанда муниципаль берәмлек башлыгы, аның урынбасарлары, депутат һәм җирле үзидарәнең сайлау органы әгъзаларының хезмәт хаклары 3 процентка артачак. Хокукый мәгълүмат порталында чыккан тиешле карарны Татарстан Премьер-министры Алексей Песошин имзалады.

Хезмәт хаклары быелның 1 октябреннән артачак. Түләү күләмен исәпләп чыгару өчен авыл җирлегендә кече вазифалар төркеме белгеченең оклады 1,03 тапкырга — 11498 сумга кадәр арттырылачак.

Бюджет даирәсенең бердәм тариф челтәре каралмаган кайбер оешмалары хезмәткәрләренең дә окладлары артачак.

Тулырак: https://tatar-inform.tatar/news/business/07-08-2020/tatarstanda-mer-rayon-bashlygy-m-deputatlarny-hezm-t-haky-arttachak-5761941