Әтнәдә - "Тукай истәлекләре"

Татарның бөек шагыйренә - 130 елБыел татар халкының бөек шагыйре Габдулла Тукайның тууына 130 ел була. Шул уңайдан районыбыз­да төрле чаралар уза. Чираттагысы 6 апрель көнне «Ашыт» мәдәният һәм спорт үзәгендә сәгать 15.00дә башлана. «Тукай истәлекләре» дип исемләнгән шигырь уку бәйгесендә районыбызның 5 яшьтән 16 яшькә кадәрге булган балалар катнаша ала. Район сәнгать мәктәбе үткәргән бәйгедә үзегезне сынап карыйсыгыз килсә, 5 апрельгә кадәр гаризаларыгызны җибәрү кирәк булачак. Тулырак мәгълүматны район сәнгать мәктәбенә 2-11-67 номерына шалтыратып белә аласыз.