Лаваштан кабымлык- трубочкалар

Йомырка – 4 данә пешереп, 2се пешермичә. Каты сыр – 100 грамм. Юка лаваш – 1 данә. Каймак – 2 аш кашыгы. Сөт – 2 аш кашыгы. Укроп.
Йомырканы эре угычтан, сырны вак угычтан уабыз, укропны вак итеп турыйбыз, өстенә каймак салабыз, борыч, тоз сибеп яхшылап болгатабыз.
Лавашны зур бул­маган, озынча кисәкләргә кисеп, эчлекне салып рулет шикелле төреп трубочкалар ясыйбыз.
Ике йомырканы сөт белән болгатып, трубочкаларны манып, кызган майлы табада ике ягын әйләндереп кыздырып алабыз. Табынга кайнар килеш бирәбез.