Россиядә коронавирустан яңа вакцина теркәлде

Россия Сәламәтлек саклау министрлыгы коронавирус инфекциясеннән «ЭпиВакКорона-Н» дигән тагын бер вакцина теркәде. Мәгълүматлар дәүләт дарулар реестрында барлыкка килде.

Әлеге вакцина ике тапкыр ясала. Прививкалар арасында интервал 14-21 көн тәшкил итәргә тиеш.

«ЭпиВакКорона-Н» Россиядә Covid-19дан теркәлгән бишенче вакцина булды. Хәзерге вакытта илдә прививка ясау кампаниясе «Спутник V», «ЭпиВакКорона» һәм «Ковивак» кулланып алып барыла. Ревакцинация «Спутник Лайт» препараты белән үткәрелә.

Чыганак: https://tatar-inform.tatar/news/health/27-08-2021/rossiyad-koronavirustan-ya-a-vaktsina-terk-lde