«Ак Барс» хоккейчылары өч алка өстенлек белән Мәскәү командасын җиңде

Беренче периодның унөченче минутында «Ак Барс» сакчысы Василий Токранов гол кертте (0:1). Уналтынчы минутта Александр Радулов Казан командасын тагын бер алкага алга чыгарды (0:2).

Икенче период голларсыз үтте.

Өченче периодның икенче минутында «Ак Барс» һөҗүмчесе Кирилл Семёнов исәпне 0:3 итте. Унберенче минутта Кирилл Семёнов, «Спартак» капкасына икенче алкасын кертеп, дубль ясады (0:4). Периодның соңгы минутында, «Ак Барс» азчылыкта уйнаганда, Мәскәү командасы уенчысы Дмитрий Кугрышев «Ак Барс» капкасына гол кертте, капка «коры» килеш кала алмады (1:4).

Командалар составы:

«Спартак»

• Рибар (Красиков);
• Принс – Вароне – Хохлачёв, Кин – Брынцев;
• Кугрышев – Свечков – Старченко, Савиков – Ручкин;
• Цыплаков – Квартальнов – Талалуев, Арзамасцев – Соколов;
• Злодеев – Кукштель – Чибриков (Любимов), Хәйруллин.

«Ак Барс»

• Мифтахов (Билалов);
• Кагарлицкий – Шипачёв – Петров, Хафизуллин – Войнов;
• Галиев – Семёнов – Радулов, Токранов – Чудинов;
• Зарипов – Сафонов – Воронков, Янчевский – Лямкин;
• Галимов – Бурмистров – Глухов, Евсеев.

«Ак Барс»ның киләсе уены да Мәскәүнең «Спартак» командасына каршы булачак. Матч 21 сентябрь көнне Казанда «Татнефть Арена» боз сараенда үтәчәк, уен 19:30 сәгатьтә башлана.

Чыганак