Бәрәңге ала башладыгызмы әле?

Быел һава шартлары икенче икмәк өчен бигрәк тә кулай булды. Иртә өлгерә торган сортлы бәрәңгеләрнең сабаклары күптән кибеп бетте. Соң өлгерә торган бәрәңгенең яшел  калган сабакларын бәрәңге корты басты. 

«Коломбо», «Королева Анна» сортлары аеруча да әйбәт. «Удача» сорты да бик «удачный» үскән.

«Ред Скарлет» сорты да (кызыл бәрәңге) йөзгә кызыллык китермәде.

«Любава» сорты бераз калышкан  кебек.

Сез нинди сортлы бәрәңгеләр үстерәсез? Кайсы бәрәңгенең уңышы ничек? Уртаклашыгыз әле безнең белән.