Әтнә хастаханәсе куркынычсызлыкның төп кагыйдәләре турында искә төшерә.
Вируслар һәм бактерияләр — бер үк нәрсә түгел.
Кискен тын юллары инфекцияләре (ОРВИ, грипп) вируслар аркасында килеп чыга. Антибиотиклар бактерияләр белән көрәшү өчен ясалган. Аларны вируслар вакытында эчү мәгънәсез һәм куркыныч: бу савыгуны тизләтмәс, әмма бавырга һәм эчәклеккә көчле сугар.
«Кирэк була калса» бер таблетка бәясе.
Контрольсез кабул итүнең төп куркынычы — антибиотикларга бирешмәүчелек (резистентлык). Бактерияләр мутациялэнэ һәм даруларга реакция бирми башлый. Икенче юлы, антибиотик тормыш өчен мөһим булганда (мәсәлән, пневмония яки операциядән соң), ул эшләмәскә мөмкин. Башка нәтиҗәләр — авыр дисбиоз, аллергия һәм өзлегүләр.
Үзеңне ничек сакларга?
Вакцинация. Тикшеренүләр күрсәтә: прививка ясаткан кешеләрдә резистент бактерияләр сирәгрәк очрый. Узең теләп кенә антибиотиклар эчү юк. Антибиотиклар — катгый рецепт белән генә бирелә торган дарулар. Алар сезгә кирәкме-юкмы икәнен табиб кына хәл итә. Курсны үтәгез. Препарат билгеләнгән икән — аны схемасы буенча ахырына кадәр эчегез, «соңракка» калдырмагыз.
Әлеге материал «Озын һәм актив тормыш» милли проекты кысаларында әзерләнде. Сәламәтлекне белгечләргә ышанып тапшырыгыз.
Нет комментариев