Бүген районда – республикабызның Авыл хуҗалыгы министрлыгыннан килгән вәкаләтле вәкилләр булып китте

Июнь ае – авыл хуҗалыгында иң кайнар һәм җаваплы чор. Бүген районда – республикабызның Авыл хуҗалыгы министрлыгыннан килгән вәкаләтле вәкилләр булып китте.
Кунаклар "Күшәр" авыл хуҗалыгы җитештерү кооперативында булдылар. Кооперативның бүгенге эшчәнлеге, җитештерү күләмнәре, терлекчелек комплексындагы хәл-вакыйгалар һәм кырлардагы эшләр барышы белән якыннан таныштылар.
"Күшәр" кооперативы – районыбызның горурлыгы. Биредәге тәртип, заманча технологияләрне куллану, мал азыгы әзерләү кампаниясенә җитди әзерлек һәм, әлбәттә, хезмәт сөючән коллектив – барысы да кунакларда зур кызыксыну уятты. Министрлык вәкилләре кооперативның уңышларын югары бәяләде, - дип хәбәр итә раойныбыз башлыгы Рөстәм Хисамиев үзенең Вконтакт челтәрендә.