«Полицейский дядя Степа»

Ел саен Россия Эчке эшләр министрлыгы Эчке эшләр органнарында хезмәт итүнең абруен күтәрү һәм полиция эшчәнлеге турында уңай җәмәгатьчелек фикерен формалаштыру максатларында «Полицейский дядя Степа» Бөтенроссия балалар иҗаты конкурсы уздыра.
Быел да әлеге конкурска старт бирелде. Конкурс берничә - район, төбәк һәм федераль этапларда үткәрелә. Конкурска катнашу өчен балалар теләсә нинди материалдан (текстиль, агач, полимер балчык һәм башка) эшләнмәләр ясарга тиешләр. Кул эшләре 2025 елның 5 маена кадәр район полиция бүлегендә кабул ителә. 5 майдан соң, безнең белән берлектә сайлап алу конкурсы нәтиҗәләре буенча иң яхшы өч эш Татарстан Республикасы Эчке эшләр министрлыгына җибәреләчәк.
Шунысын да искәртәсе килә, конкурска 7 яшьтән 16 яшькә кадәрге балалар катнаша ала.