Бу юлы түгелмә, чәчелмә!..

Сак кына, сак кына кагылдым
Җәйге җил туздырган чәчеңә...
Хисләргә боерып өлгердем:
Бу юлы түгелмә, чәчелмә!..

Боерып өлгердем йөрәккә:
Эзләп тап җиде кат йозагың.
Нигә дип кабаттан күрүгә
Кабаттан илереп кузгалдың?!.

Сак кына, сак кына эндәштем:
Сүзләрдән әрнүгә - бер тотам...
Әйтелми калганы - мәңгелек -
Мин сине һаман да яратам!
26.06.2019
Гөлүсә Батталова
#шигырь
#гөлүсәбатталова

С.Мингатина фотосы