Журналист, үзенчәлекле каләм иясе, шагыйрь Сүрия апа Мингатинаның тәүге шигырьләр китабы дөнья күрде
Каләмегез – һәрвакыт үткен, фикерләрегез – тирән, ә шигырьләрегез йөрәкләргә үтеп керерлек. Киләчәктә дә иҗатыгыз белән шатландырып торыгыз.
"Эзләми табылганым" дип исемләнгән шигырьләр китабы Сүрия апаның күпьеллык иҗат җимешләренең башлангычы гына. Анда туган якка, тормыш мәгънәсенә, мәхәббәткә багышланган шигырьләр урын алган. Укучыны әлеге шигырьләрдәге ихласлык, гадилек һәм тирән мәгънә җәлеп итә. Алар һәркемнең күңелендә җылы хисләр уятып, якты өметләр белән сугара ала.
Китапның тагын бер үзенчәлеге – аның тормышчан булуында. Сүрия апа үз шигырьләрендә кешеләр арасындагы мөнәсәбәтләрне, мәхәббәтне, дуслыкны, хыянәтне ачып бирә. Аның геройлары – көндәлек тормышта очрый торган гади кешеләр. Шуңа күрә дә шагыйрәнең һәрбер шигыре укучы күңеленә тиз генә үтеп керә, аның уй-хисләре белән уртаклаша.
Бу китап Сүрия апа Мингатинаның иҗатын яратучылар өчен генә түгел, ә татар шигъриятенә битараф булмаган һәркем өчен кызыклы. Китаптагы шигырьләр укучыларга рухи азык биреп, күңелләрен баетып, яңа үрләргә илһамландырыр дип ышанасы килә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев