«Стипендия күләме үзгәрешле. Унөченче хезмәт хакы белән аналогия буенча, бер стипендия күләмендә бирергә була», – ди ул.

Бу мәсьәләдә югары уку йортлары автономияле хокукка ия. «Безнең стипендия фонды бар. Ул еш кына ел азагына экономияләнә, күп кенә университетлар шулай эшли дә, алар ел азагында унөченче стипендия ясый. Минемчә, бу дөрес, яхшы инициатива, ләкин югары уку йортлары хәзер моны үз компетенцияләре кысаларында эшли ала», – ди ул.

Фән министрлыгы сайтында күрсәтелгәнчә, 2022 елда югары уку йортлары укучылары өчен дәүләт академик стипендиясе күләме 1 755 сум, социаль стипендия 2 634 сум. Дәүләт стипендиясеннән тыш, студентлар һәм аспирантлар укуда һәм фәнни эшчәнлектә югары уңышка ирешсә, президент, хөкүмәт, шулай ук исемле стипендия алырга мөмкин.

Бу хакта тулырак: https://tatar-inform.tatar/news/deputat-studentlarga-unocence-stipendiya-birerga-takdim-itte-5865176