Бу файдалы бөҗәкне беләсезме?

Табигаттә зарарлы бөҗәкләр бар, ләкин файдалы бөҗәкләр дә юк тугел. Барыбызга да таныш бөжәк, татарчасы камка (божья коровка), талпаннар, суалчаннар һәм үсемлекләрнең корткыч бөҗәкләре белән туклана икән. Бу  бөҗәкләр беренче карашка – табигый ерткыч булып исәпләнә, алар корткычларның популяциясен пестицидлар кулланмыйча гына контрольдә тоталар. Олы бөҗәклэр көн дәвамында 60 тан 100 гә кадәр бетләр һәм талпаннар, йомшак тәнле бөҗәкләр, кандала һәм күбәләкләр йомыркаларын ашыйлар. Бу гаҗәеп коңгызларның личинкалары сәгатенә 40 ка кадәр бет ашый.

Бу ярдәмчеләрне үз бакчаларыңа җәлеп итү өчен мәтрүшкә, меңъяфрак, пижма, кинза, укроп чәчәргә кирәк. Бөҗәк, болардан тыш, колорад коңгызы белән көрәшә, аның личинкаларын ашый.

Бу гаҗәеп бөҗәкләрнең популяциясе, экосистемаларның тотрыклылыгын саклауда, бигрәк тә авыл хуҗалыгында мөһим элемент буларак, кеше тарафыннан  игътибарга лаек булырга тиеш.

Россельхознадзорның Татарстан Республикасы буенча дәүләт инспекторы Раис Фәттахов