Гаилә, мәхәббәт һәм тугрылык көне уңаеннан «Кала тау» ресторанында бик матур, күңелгә үтеп керерлек, рухи чара узды
Районыбызның 50 һәм 60 ел бергә гомер кичергән, алтын һәм бриллиант туйларын билгеләп үтүче гаилә парларын зурладылар.
- Сез һәркайсыгыз – яшьләр өчен чын үрнәк. Ярты гасырдан артык вакыт дәвамында бер-берегезгә таянып, мәхәббәтне саклап яшәү – зур бәхет һәм олы хезмәт нәтиҗәсе ул. Тормышның авырлыкларын да, шатлыкларын да уртаклашып, гаилә ныклыгының, тугрылыкның һәм сабырлыкның гали үрнәген күрсәтәсез. Мондый гаиләләрдәге татулык, үзара хөрмәт – безнең район горурлыгы, - диде үзенең чыгышында районыбыз башлыгы Рөстәм Хисамиев. Һәм: "Сезгә ныклы сәламәтлек, озын гомер, күңел тынычлыгы һәм балалар-оныкларның игелеген, хөрмәтен күреп яшәргә насыйп булсын! Йөзегездән елмаю, йортыгыздан шатлык һәм нур беркайчан да китмәсен", - дип үзенең котлау һәм рәхмәт сүзлзрен җиткерде.
Чара барышында гаиләләрнең үзләренә дә сүз бирделәр. Алардан озак, тигез гомер яшәүнең сере турында сораштылар. Һәркайсы бер сүздә булып, сабыр булырга, бер-береңне хөрмәтләп яшәргә кирәк, диделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев