Яңа Шашы мәктәбендә зур очрашу булды

Яңа Шашы мәктәбендә "Таң" күмәк хуҗалыгында күп еллар эшләп, лаеклы ялга чыккан биш авылның өлкәннәрен җыеп кунак иттеләр.

Әлеге чарада күмәк хуҗалык җитәкчесе Алмаз Сибагатуллин, ветераннар советы рәисе Хәмит Галимҗанов, авыл җирлеге рәисе Марат Сабирҗанов, мәктәп директоры Раниф Нигъмәтҗанов өлкәннәрне котлап, зур рәхмәтләрен җиткерделәр.

Өстәлләр дә бик мулдан иде. Өлкәннәребез җырлап-биеп күңел ачтылар. Һәркем бу чарадан канәгать калды. "Киләчәктә дә шундый очрашулар булсын иде", - дип таралыштылар.

Бу чара турында Чембулат авылы клуб мөдире Камиль Галләмов хәбәр итте.