Янгынга каршы махсус режим кертелә

Аның нигезендә агымдагы елның 25 декабреннән 2025 елның 8 гыйнварына кадәр рес­публика территориясендә янгынга каршы махсус режим кертелде. Махсус режим Яңа ел бәйрәмнәрендә янгын куркынычсызлыгын тәэмин итү, кешеләр гомерен һәм сәламәтлеген, физик һәм юридик затларның мөлкәтен, дәүләт яки муниципаль милекне сак­лау максатларында билгеләнә.  Бу чорда пиротехник эшләнмәләрне сату һәм куллану урыннары аерым контрольдә тотыла.
Янгынга каршы махсус режим гамәлдә булган чорда 1-3 класслы пиротехника эшләнмәләрен куллану тыела (бенгаль утларыннан тыш). Аларны тик янгын куркынычсызлыгы буенча мәҗбүри чараларны үтәгәндә генә кулланырга була:
1) сертификацияләнгән пиротехник эшләнмәләрне махсус кибетләрдә (бүлекләрдә) сатып алырга рөхсәт ителә;
2) пиротехника кулланганчы инструкциясе белән танышырга кирәк;
3) аны район хакимияте, авыл җирлекләре башкарма комитетлары карары белән билгеләнгән махсус мәйданчыкларда гына кулланырга рөхсәт ителә;
4) пиротехник эшләнмәләрне тамашачыдан, капма-каршы яктан кулланырга кирәк;
5) кул сузымы ераклыгында гына яндырып җибәрергә ярый.
Тыела:
– салютларны кулда килеш яндыру (хлопушкалар, бенгаль утларыннан тыш);
 –  бүлмәләрдә, биналарда һәм корылмаларда, түбәләрдә, балконнарда, лоджияләрдә куллану;
– әгәр фейерверк эшләмәсә,  5 минут дәвамында аның янына килеп иелеп карау; 
– әгәр һава торышы шартлары аларны кулланганда куркынычсызлыкны тәэмин итәргә мөмкинлек бирмәсә;
– зыян килгән, яраклылык срогы чыккан булса куллану;
– балаларга пиротехник эш­лән­мәләрне мөстәкыйль рәвештә куллану;
Шулай ук күпләп һәм ваклап сату белән шөгыльләнүче шәхси эшмәкәрләргә һәм юридик затларга законда билгеләнгән тиешле сертификатлары булмаган пиротехник эшләнмәләрне һәм электр гирляндаларын сату тыела. Шулай ук яңа ел уенчыкларының, ясалма чыр­шы­ларның янгын куркынычлыгы күрсәткечләре һәм алар белән эш иткәндә янгын куркынычсызлыгы чаралары күрсәтелгән техник документлары булмаган очракта, аларны сату тыелуын ае­рым исегезгә төшерәбез.
Район халкының янгын куркынычсызлыгы кагыйдәләренә җитди карау­ларын һәм балигъ булмаган балалар белән янгын куркынычсызлыгы ка­гыйдәләрен үтәү темасына профилактик әңгәмәләр үт­кә­рүләрен сорыйбыз.
Янгынга каршы махсус режим гамәлдә булган вакытта янгын күзәтчелеге һәм по­­лиция хезмәткәрләре белән берлектә янгын куркынычсыз­лыгы кагыйдәләрен бозучы­лар­ны ачыклау буенча рейд­­лар үткәреләчәк. Гамәлдәге ян­­гын куркынычсызлыгы ка­гый­­дәләрен бозу очраклары ачык­ланган очракта, ка­гый­дә бо­зучыларны РФ КоАП 20.4 ст. 2 өлеше буенча административ штраф рәвешендә  җа­вап­лы­лык­ка тартачаклар:
– гражданнарга – 20000 сумга кадәр;
– вазыйфаи затларга – 60 000 сумга кадәр;
– шәхси эшмәкәрләргә 80 000 сумга кадәр;
– юридик затларга – 800 000 сумга кадәр. Янгын чыккан очракта җинаять җаваплылыгы каралган.

Адель Шакирҗанов,  Арча һәм Әтнә районнары буенча янгын күзәтчелеге бүлегенең дәүләт инспекторы