Путин ординатурада бюджетта укучы медик студентларны максатчан укыту турында закон кертте
Россия Президенты Владимир Путин имзалаган закон нигезендә, медицина уку йортларында ординатурада бюджет нигезендә белем алучы студентлар йомгаклау аттестациясен узганчы максатчан уку турында килешү төзергә тиеш булачак.
Медицина югары уку йортларын тәмамлаучылар мәҗбүри рәвештә медицина иминияте программасында катнашучы медицина учреждениеләрендә 3 елга кадәр остаз белән эшләргә тиеш була. Бу хакта ТАСС хәбәр итә.
Төзәтмәләр «Россия Федерациясендә гражданнарның сәламәтлеген саклау нигезләре турында»гы һәм «Россия Федерациясендә мәгариф турында»гы федераль законнарга кертелде. Алар 2026 елның 1 мартыннан үз көченә керәчәк (кайбер нигезләмәләрдән тыш).
Документта шулай ук җаваплылык чаралары да каралган: әгәр якларның берсе килешү шартларын үтәмәсә, аңа уку бәясен кайтарырга туры киләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев