Татарстанда онкология белән авыручылар саны арта

Узган ел республикада онкология авыруларының 19,5 мең яңа очрагы теркәлгән — узган ел белән чагыштырганда 7,2% ка күбрәк, дип хәбәр итте профессор м.з. Сигал исемендәге Республика клиник онкология диспансеры табиб-онкологы Артур Сәйфуллин.
Октябрь ахырына булган мәгълүматларга караганда, Татарстанда 19 меңнән артык яңа яман шеш очрагы ачыкланган. Бу мәгълүматларны республиканың Сәламәтлек саклау министрлыгы башлыгы Альмир Абашев җиткерде.
Сәйфуллин билгеләп үткәнчә, авырулар саны артуны составында никотин булган продукция куллану белән бәйлиләр. Ул онкодиспансерның баш һәм муен шешләре булган пациентларга ярдәм күрсәтә торган 12 нче бүлегендә пациентларның яртысы диярлек — ир-атлар, әмма хатын-кызлар өлеше акрынлап арта бара, дип өстәде.