Татарстанда узган тәүлектә 53 кеше коронавирус йоктырган

Узган тәүлектә Татарстанда коронавирус белән зарарлануның 53 яңа очрагы теркәлгән. Аларның 1се — читтән кертелгән, 52се — башка авыру белән элемтә нәтиҗәсендә эләккән.

ТР Сәламәтлек саклау министрлыгының матбугат хезмәте хәбәр итүенчә, 24 кеше хастаханәгә салынган, 29ы өйдә дәвалана.

Авыручыларның иң күбе 60-70 яштлеклщр арасында — 16 кеше.

Казанда - 26, Чаллыда — 8, Яшел Үзән районында — 7, Түбән Кама районында — 4, Лаеш районында — 2, Буа, Кама Тамагы, Лениногорск, Нурлат, Сарман һәм Тукай районнарында берәр авыру очрагы теркәлгән.

Бүгенге көндә республикада 18 184 Covid-19 очрагы теркәлгән.

Барлыгы 14 842 кеше терелгән, шул исәптән 59ы - узган тәүлектә.

Чыганак: https://tatar-inform.tatar/news/health/04-03-2021/tatarstanda-uzgan-t-lekt-53-keshe-koronavirus-yoktyrgan