Өч кеше административ җаваплылыкка тартылган

Янгынга каршы махсус режим гамәлдә булган чорда коры үлән һәм чүп-чар яндыру тыела. Урман янгыннары куркынычы янаган торак пунктлар территорияләрендә, шулай ук урман-парк зоналарында һәм урман массивлары белән чиктәш ачык территорияләрдә ачык утта (учак, мангал) ризык әзерләү тыела. Тик, махсус режим таләпләрен бозган, коры үләнне, чүп-чарны яндыручы, ачык уттан файдаланучы гражданнар арта.
Бүгенге көндә Әтнә районында 767 кеше  белән янгын куркынычсызлыгы чаралары буенча инструкция уздырылды, корыган үләнне һәм чүп-чар яндыруның 32 очрагы булдырмый калынды. Шул ук вакытта 3 кеше янгынга каршы махсус режим таләпләрен бозган өчен административ җаваплылыкка тартылды.
Янгын куркынычсызлыгы таләпләрен төгәл үтәгез. Үзегезне һәм өегезне янгыннан сак­лагыз!
Арча һәм Әтнә районнары буенча янгын күзәтчелеге бүлеге