2020 елда Татарстан "Мәдәният " милли проекты буенча 170 млн сумнан артык акча алачак

Татарстан театрлары, мәдәният йортлары һәм китапханәләре 2020 елда модернизацияләүгә 170 млн.сумнан артык акча алачак. РФ Хөкүмәте рәисе Михаил Мишустин «Мәдәният» милли проекты буенча субсидияләр турындагы боерыкны имзалады.

Документ нигезендә, Татарстан Республикасының 2020 елга һәм 2021, 2022 елларның планлы чорына бюджетына мәдәният тармагына ярдәм итү өчен 131,5 млн. сум субсидия керәчәк. Шул ук чорга яшь тамашачылар һәм курчак театрларын модернизацияләүгә 22 млн. сум юнәлдереләчәк.

Татарстанга модель китапханәләр булдыруга тагын 20 млн. сум бүлеп бирергә планлаштыралар. Сүз уңаенда, элек мондый китапханәләр Болгарда һәм Татарстанның Биектау районында ачылды.

"Мәдәният «илкүләм проекты буенча Татарстан 1,6 млрд.сумга якын акча алачак — бу сумма Россия төбәкләре арасында иң зурлардан санала.

Чыганак: https://www.tatar-inform.ru/news/business/19-10-2020/v-2020-godu-tatarstan-poluchit-bolee-170-mln-rubley-po-natsproektu-kultura-5779660