“AnimalProfi” форумы уза

Габдулла Тукай исемендәге Әтнә авыл хуҗалыгы техникумының актлар залында "Терлекчелектә югары үсеш алу өчен кулланылган заманча технологияләр" исемендәге Россиякүләм һөнәри "AnimalProfi" форумы уза.
Әлеге форумның программасы хуҗалык вә­килләре сораулары ни­гезендә төзелгән. Чы­гыш ясаучылар арасын­да зур нәтиҗәләргә ирешкән олы тәҗрибәле прак­тик-киңәшчеләр дә байтак иде. "AnimalProfi" фо­ру­мы­ның оештыру коми­те­ты спикерлар бе­лән бер­­гәләп форумны бар­лык дөнья ветери­нария һәм зоотехния­дәге бе­лемнәренә, прак­­ти­кага, заманча тен­­денцияләргә нигез­лә­неп әзерләгән. Анда кат­­нашучылар биредә үз­­ләренең сорауларына җавап табып, яңа идея­ләр, үз өлкәләренә ка­­гылышлы яңа белем­нәр туплап кайтып китәчәкләр.
- Бик файдалы форум булды бу, - дип саный Әтнә Ветеринария стан­циясе җитәкчесе Рөс­­тәм Хашимов.
Әйтик, данлыклы "Ни­тофарм" вәкилләре чы­гышы зур кызыксыну уяткан. Фирма вәкилләре яңа төр дарулар, шулай ук яңа­ча дәвалау ысуллары белән таныштырганнар. Форумның файдасы тагын шунда - биредә район күмәк хуҗалыкларының мал табиблары да катнаша. Һәрхәлдә, алар бик күп яңалык, кирәкле мәгълүмат туплап китәрләр дигән ышаныч бар.
Әтнә районы терлекчелеге - ветеринария өлкә­сендәге яңалыкларга бик бай. Алар тагын да артыр дип өметләник. Кунаклар да ерак юлдан килеп, Әтнәдән бернинди яңалык та алмыйча китмәс. Ә бездә алар бик күп.