Давылдан зыян күрүчеләр ачыкланды
Кичә булган давыл байтак хуҗалыкка үзенең зыянын салган булып чыкты. Бүген районыбызда эшләүче иминият оешмалары килгән зыянны кире кайтару буенча эш башладылар.
Иртән "Росгосстрах" һәм "АК БАРС- Мед" иминият компанияләренең район бүлекчәләрендә агентлар белән җыелыш булды. Алар давыл аркасында килгән зыян һәм аны кайтару хакында сөйләштеләр.
- Бездә иминиятләнгән 25 хуҗалыкка зыян килгән. Иң зурлары - Ары һәм Кышлау авылында яшәүче шәхси хуҗалыкларда, аларның икесенең дә давыл сарай түбәләрен куптарып аткан. Калган хуҗалыкларның берничәсендә берничә буй шифер кубарылган, теплицалар очкан, коймаларга зыян килгән һәм вак-төяк бик күп инде. Бүген барлык агентларда урыннарда эшлиләр, алар килгән зыянны фотога төшерәләр, документ төзиләр. Казаннан эксперт көтәбез,- диде "Росгосстрах"ның район бүлекчәсе җитәкчесе Резеда Әхмәтова.
"АК БАРС- Мед" ның Әтнә бүлекчәсендә дә шундый эш белән мәшгуль агентлар.
- Бездә иминиятләнгән Бәрәскәдә-3 шәхси хуҗалыкка, Күшәрдәге - 1 шәхси хуҗалыкка, Күңгәрдәге 1 шәхси хуҗалыкка зыян килгән. Әлеге хуҗалыкларга барып, килгән зыянны фотога төшереп, компьютерга керттек, документлар белән эшлибез әле...- диде әлеге иминият компаниясенең сату буенча баш белгече Гөлүсә Бузунова.
Болар шәхси хуҗалыкларын иминиятләүчеләр. Бәлки иминиятләмәгәннәр дә бардыр әле.
Следите за самым важным и интересным в Telegram-каналеТатмедиа
Нет комментариев