Эчү сәбәп түгел - "Әтнә таңы"

Соңгы өч айда районыбызда спиртлы эчемлекләр кулланган килеш эшләнгән җинаятьләр саны арту күзәтелә. Эчке эшләр бүлегенең башлангыч сорау алу бүлекчәсе тарафыннан әнә шундый 6 җинаять эше тикшерелеп, судка тапшырылган. Еш кына гаепләнүчеләр җинаять кылуның сәбәбен эчү белән бәйләп аңлаталар. Тик алар әлеге гамәлне үзләренә аклау буларак күрсәтеп нык ялгыша. Спиртлы эчемлекләр кулланган хәлдә җинаять кылу, киресенчә, җәзаны авырайта гына, җаваплылыкны тагын да арттыра. Шул хакта онытмасагыз иде.