Кабат юл һәлакәте ...

Әллә нинди... югалтулар көннәре дәвам итә бу арада. Габдулла Тукай исемендәге Әтнә Дәүләт драма театры да "Вконтакте"дагы битендә кайгы уртаклашу сүзләре урнаштырган. Бу юлы да фаҗига юл һәлакәте аркасында килеп чыга...

"ЗУР ЮГАЛТУ...
Бүген юл һәлакәтендә C.Өметбаев исемендәге Минзәлә татар Дәүләт драма театры актрисалары, Татарстанның атказанган артисткасы Гәрәева Эльмира Хәмәтхәлил кызы һәм Әхмәтханова Эльмира Илфак кызы һәлак булдылар.
Г.Тукай исемендәге Әтнә дәүләт драма театры коллективы актрисаларның туганнары, якыннары, коллегаларының тирән кайгыларын уртаклаша.
Аллаһы Тәгалә Сезгә ачы хәсрәтегезне күтәрә алырдай көч, сабырлык бирсен! Җаннары тыныч, урыннары җәннәттә булсын!"