Казанда рейс автобусы мәчеткә килеп бәрелгән

(Казан, 25 декабрь, "Татар-информ"). Казанда рейс автобусы Тукай һәм Камал урамнары чатындагы мәчеткә килеп кергән, дип хәбәр итә Казан автоинспекциясе.

68нче маршрут автобусы идарәне югалтып, мәчет бинасына килеп бәрелгән.

Беренчел мәгълүматлар буенча, беркем дә зыян күрмәгән. Һәлакәт вакытында автобуста йөртүче һәм кондуктор гына булган.

Һәлакәт урынында хәзер ЮХИДИ хезмәткәрләре эшли.

Чыганак: http://tatar-inform.tatar/news/2017/12/25/154973/