Кубок – безнең волейболчыларда

Волейбол буенча Теләче районында республика беренчелегенә 2003 елгы һәм яшьрәкләр арасында узган ачык чемпионатта спорт мәктәбенең Күңгәр һәм Олы Әтнә командалары да катнашты һәм зур уңышка иреште. Күңгәр егетләре (тренерлары И.Әхмәтов) - I урынга чыгып кубокка лаек булды. Олы Әтнә командасы (А.Ваһапов) III урын алды. "Арча, Саба, Теләче кебек районнар арасында җиңүгә ирешү - безнең командалар өчен бик зур уңыш", - спорт мәктәбе директоры Ирек Мөхәммәтшин бу хакта әнә шулай ди.
Волейбол яратучылар өчен тагын бер яңалык - якшәмбе көнне "Шахтер" күмәк хуҗалыгы призына "Ашыт" спорт комплексы һәм Комыргуҗа мәктәбе спорт залында ике зонага бүленеп зурлар арасында волейбол ярышлары узачак.