Татарстанда көчле яңгырлар аркасында авыл хуҗалыгы культуралары авырый башлады

Төрле күгәрек, черү, фитофтороз авыл хуҗалыгы культураларының барысы өчен диярлек хас. Бу хакта Татарстанның фәннәр академиясе корреспондент-әгъзасы Радик Сафин хәбәр итә. Аның сүзләренчә, аеруча бәрәңге борчу тудыра. Игътибар белән карагыз әле, үзегез дә күрерсез: бәрәңгедәге фитофтороз массакүләм төсмер алып ята. Нәтиҗәдә, бәрәңге кышын яхшы сакланмаячак, дип саный белгеч. Шуңа күрә кичекмәстән үсемлекләрне саклау чараларын күрә башларга кирәк.

Ә яңгырга әйләнеп кайтсак, ул терлек азыгы әзерләү өчен бик уңай. Анда да киптереп, складларга ташып куяр өчен көннәрнең коры торуы мөһим.