Әтнәдән көчле тәэсирләр белән киттеләр

Әтнәдә Идел буе зонасына кергән 9 электр челтәре оешмасы җитәкчеләре катнашында зона киңәшмәсе булып узды. Киңәшмәдән соң анда катнашучылар Күлле Киме мәктәбендә урнашкан Сибгат Хәким музеенда кунакта булдылар. Музей директоры Луиза апа Шәмсиеваның шагыйрь турында истәлекләре зур игътибар белән тыңланды. "Туган як" музее җитәкчесе Эльмира Гыйләҗева чыгышны рус теленә тәрҗемә итте. Шунда ук музей экспонатлары белән таныштылар. Музейдан зур тәэсирләр белән китте җитәкчеләр. Бу хакта махсус дәфтәрдә рәхмәт сүзләре дә язып калдырдылар.