Әтнәләр машиналарын урамда калдыра алмаска мөмкин

Россия Президенты Владимир Путин машина кую урыннарын да күчемсез милек дип санарга өндәде. Президент кушкач, моның кабул ителәчәге бәхәссез.

"Ведомости" хәбәрләренә караганда, Россиядә ул бинадагы парковка урыннарына - мәйданчыкларга гына кагыла. Владимир Путин бу законны 1 июньгә кадәр кабул итәргә кирәк дип саный.

Законның тора-бара әллә ниндигә үзгәрергә сәләтле булуын аңлыйсыздыр. Берникадәр вакыт узгач, машинаны капка төбендә калдырсаң, бу урын - күчемсез милек дип санамагайлары әле?! Ул очракта, автомобильне ишегалдына кертеп куярга кирәк булачакмы?