(Казан, 14 март, "Татар-информ"). Социаль челтәрдә Казанның Җиңү проспектында "Хендай" һәм "Джили" җиңел автомобильләре бәрелешүен төшергән видеоязма барлыкка килде.
"Татар-информ" агентлыгы элек хәбәр иткәнчә, кичә кич Казанда Агросәнәгать паркы тирәсендә җитди юл-транспорт һәлакәте булган.
Кадрларда "Джили" автомобиленең сул рәткә күчәргә җыенуын, шул вакытта арттан зур тизлек белән "Хендай" автомобиле килеп бәрелүе күренә. Бәрелешү нәтиҗәсендә Кытай автомобиле юл кырыендагы киртәгә килеп бәрелгән.
Шаһитлар хәбәр иткәнчә, машина йөртүчеләрнең берсе - 31 яшьлек хатын-кыз имгәнгән.
Ике автомобиль дә җитди зыян күргән.
Нет комментариев