90 яшьлек юбиляр

90 яшьлек юбиляр бүгенге көндә кызында Иске Өҗем авылында кызы Сурия гаиләсендә гомер кичерә.

- Әни бишенче елын бездә яши. Әтиебезнең вафат булганына 10 ел инде. Гомер иткән авылы Кышлауны сагына. Гәрчә туган авылы Югары Шашы булса да, – диде Сурия ханым.

Исламияне әбине юбилее белән район башлыгы исеменнән аппарат җитәкчесе Фәнис Галиуллин, Кышлау авыл җирлеге башлыгы Айрат Кашшапов котладылар. Исламия әби егетләргә рәхмәт сүзләрен җиткерде. 

- Минем олылап килгәнегез өчен, үзегезне дә хөрмәтләсеннәр, – диде ул.

Исламия әби дә авырлыклар күргән буын вәкиле. Элекке елларны теләми генә искә ала. «Ачлык килмәсен, анысы бик яман», – диде ул

Чыннан да, әлеге буын вәкиленә нинди генә авырлыклар күрергә туры килмәгән. Бүгенге тормышның рәхәтлеген сөйләп туя алмыйлар.