“Чулпан”да күләмле ремонт

Әлеге капиталь ремонт нәтиҗәсендә лагерь нык үзгәрәчәк. Әйтергә кирәк, эше дә күп, күләмле, – дип ачыклык кертте район башкарма комитет җитәкчесе урынбасары Марат Халиков.

 Дөрестән дә, “Чулпан” территориясендә күләмле ремонт эшләре гөрли. Әлеге эшне Арчаның махсус оешмасы башкара. Егетләре тырыш, эшчән аның. Сер түгел, районда күп эш башкардылар инде. Кышның шактый салкын көннәре торуга карамастан, ком да алып килгәннәр, урамда учак ягып җылытып измә болгаталар. Шул измәне корпусларга ташып кирпеч стеналар өяләр.

Лагерьгә керү юлында иң беренче булып урнашкан “Кабул итү бүлеге”н күпләр беләдер. Анда да күләмле эш “кайный” – стеналарны сүтеп, урамга чыгарып түккән кирпеч калдыклары, иске измә, чүп-чардан бер калкулык хасил булган. Шул ук вакытта биредә аерым бүлмәләр төзиләр. Фирдинат Исмәгыйлев белән Фәнис Дәүләтшин аерым бер бригада буларак, стеналарны шактый күтәрергә өлгергәннәр.

Тулырак газета битләрендә укый аласыз.