Әтнә районында «Георгий тасмасы» н тараттылар

”Георгий тасмасы” дөньяны фашизмнан саклап калу өчен һаләк булганнар истәлегенә дан, ветераннарга карата хөрмәт билгесе, Бөек Җиңүнең горурлыгы һәм фронтка барлык көчләрен биргән кешеләргә рәхмәт хисләрен аңлата.
Миллионлаган кешеләр өчен Георгий тасмасы хәтер, буыннар бәйләнеше һәм хәрби дан символы булып тора. Җиңү көне алдыннан әлеге акциядә Әтнә үзәк китапханәсе хезмәткәрләре дә актив катнаштылар, райондашларыбыз өчен әлеге тасмалар таратылды.