Гражданнар оборонасы айлыгы кысаларында Күәм балалар бакчасында очрашу булды

Бакчага кунакка Арча районы янгын бүлеге сак буенча инструкторы Миләүшә Рәхимова килде. Ул балалар өчен куркынычсызлык нигезләре буенча кызыклы һәм файдалы хикәяләр сөйләде. Кызыклы видеосюжет күрсәтте.

Мәктәпкәчә яшьтәге балаларга "Шырпы - балаларга уенчык түгел", ут белән уйнау бик куркыныч булуы турында сөйләде. Утсыз яшәү дә мөмкин түгел, ләкин кеше сак кыланмаса, рәхимсез дошманына әверелергә дә мөмкин икәнен аңлатты.

Балалар игътибар белән тыңладылар. Кисәтүләрне балаларга кечкенә вакыттан төшендерү бик мөһим.