Пәхләвә

200 грамм җылы сөткә 1 чәй калагы чүпрә, 100 грамм акмай, 1 йомырка, 2 аш калагы шикэр комы, 2 аш калагы каймак, он салып, камыр басабыз. 
Аны 1 сәгать кабартабыз да, 10 кисәккә бүләбез. Һәрберсен юка итеп таба зурлыгында җәябез. 
Беренче җәймәне табага җәйгәч, акмай белән майлыйбыз , май өстенә вакланган әстерхан чикләвеге+шикэр комы кушылмасын сибәбез. Өстенә икенче җәймәне каплыйбыз, майлыйбыз, чикләвек+шикэр комы сибәбез. Һәр катламны шулай итәбез. 
Соңгы җәймәне җәйгәч, өстен йомырка белән майлыйбыз, соңгы катка төшеп җитмичә, ромбиклар кисәбез. Һәр ромбикка әстерхан чикләвеге куеп чыгабыз. 
Духовкада 30 минут пешерәбез.

Рецепт авторы Роза Закирова

Чыганак: https://vk.com/tatarshlari?w=wall-107801917_45384