Даруларны кайда сакларга?

Даруларны куллану һәм саклау буенча инструкция. 
 
Даруларны дөрес куллану һәм саклау буенча киңәшләр белән Әтнә үзәк район хастаханәсенең баш шәфкать туташы Шәрәфиева Әлфия Әхәт кызы уртаклашты. 
 
- Даруларны ничек дөрес эчәргә? 
 
Барыннан да элек, инструкцияне игътибар белән укыгыз һәм табиб киңәшләрен үтәгез. Дозировканы һәм кабул итү ешлыгын саклау, дәвалау вакытыннан артмаска кирәк. Әгәр дә организмда шик туса яки кирәкмәгән реакцияләр барлыкка килсә, һичшиксез, дәвалаучы табиб белән киңәшләшегез. 
 
- Даруларны өйдә кайда саклау яхшырак? 
 
Даруларны саклау өчен балалар урелеп ала алмый торган урыннар сайлагыз. Кухня яки ванна кебек урыннарга куймагыз. Аптечканы вакыт-вакыт тикшерегез һәм вакыты чыккан препаратлардан вакытында котылыгыз. 
 
- Даруларны вакытында кабул итмәгәч, нишлэргэ?? 
 
Паникага бирелмәгез. Җитештерүченең дозаны үткәрүгә карата тәкъдимнәрен карагыз. Гадәттә препаратны шундук кабул итәргә киңәш ителә,әгәр икенче кабул итүгә җитәрлек вакыт калса. Ләкин һич кенә дә дозаны икеләтә арттырырга ярамый. 
 
Исегездәме, сәламәтлегегез турында кайгырту даруларны дөрес кулланудан башлана! Игътибарлы булыгыз һәм үзегезне саклагыз!