Район үзәк хастаханәсенең баш табибы Яруллин Эльдар балалар өчен хастаханә буенча экскурсия үткәрде

Әтнә районы өлкән сыйныф укучылары хастаханәнең ничек эшләвен эчтән күрә алган. Район үзәк хастаханәсенең баш табибы Яруллин Эльдар балалар өчен хастаханә буенча экскурсия үткәрде: лаборатория һәм регистратура, рентген кабинеты  һәм эндоскопияләре турында сөйләде.
Чарага КДМУ студенты Илүзә Шагалиева килде. Ул педиатрия факультетының 4 курсында укый һәм балаларга университет тормышы турында сөйләде. Балалар сораулар бирделәр һәм табибларның хезмәте белән кызыксындылар.