«Ак Барс» «Северсталь»не отты...

Иң беренче зур кимчелек – «Ак Барс» әле плей-офф уеннарына әзер түгел. икенче кимчелек – саклау ягыбыз «аксый». Зур тәҗрибәле көндәшләр моннан бик оста файдаланачаклар. Өченче  кимчелегебез – әлегә һөҗүм линиясе дә җитәрлек дәрәҗәдә яхшы уен күрсәтми. дөрес, вакыт-вакыт «кабынып алучы» һөҗүмчеләребез бар. Әмма оста көндәшләр хәлиткеч уеннарда аларны «томалап куярга» мөмкиннәр.

Ә узган уенга килсәк, бары буллитлар сериясендә, башкача әйтсәк, «Лотерея уеннарында» гына Татарстан командасы «бәхетле билетны тартып чыгарды» һәм 4:3 исәбенә җиңүгә иреште.

Плей-офф уеннарында бөтенләй башкача уен күрсәтеп сокландыручы «Ак Барс»ны күреп куанырга язсын иде. Монда төп скрипканы баш тренер уйный. Ул яхшы уйнар дип өметләник.

Фотоны «Татар-информ»нан алдык.