Руль артында – “кызмача”лар?

Аерым алсак, күпчелек – 
транспорт йөртүчеләрнең 
куркынычсызлык каешын 
эләктермәве белән бәйле. 
Шунысы игътибарга лаек – 
барлык төр юл кагыйдәләре 
бозуның өчтән икесен шул 
алып тора бугай. Мөгаен, бу 
йөртүчеләр “Автошкола”да 
укымаганнар, машина йөртеп 
карамаганнар, хәтта, имти­
хан да бирмәгәннәр дигән 
фикер туа. Транспортка уты­
руга ук каеш тагарга куша­
лар бит, югыйсә! Бу көннәрне 
әлеге кагыйдәне санламаган 
11 йөртүче административ 
җаваплылыкка тартылган.
Кышкы юлда сак булу 
кирәклегенә җитди карар­
га кирәк, җәмәгать. Аеру­
ча үзенә артык нык ышан­
ган йөртүченең зур тизлектә 
йөрүе куркыныч. Узган 
бер атнада 3 юл-транспорт 
һәлакәте теркәлгән. Арала­
рында алдагы транспортны 
узарга чыгучы да бар. Бу ма­
невр йөртүчедән зур оста­
лык һәм төгәллек таләп итә. 
Әлбәттә, алдагы транспорт 
йөртүченең дә моны аңлап 
кабул итүе кирәк. Шушы 
көннәрдә 1 йөртүче алдагы 
транспортны тиеш булмаган 
урында узарга чыккан.
Кабат кызганыч сүзен 
кулланырга туры килә, уз­
ган атнада 2 транспорт 
йөртүче исерек хәлдә булуга 
шикләнелеп туктатылган. Гел 
кисәтеп торуга карамастан, 
районыбыз юлларында тех­
ника руле артына “кызмача 
хәлдә” утыручылар кимеми. 
Хәзер аларга суд каршында 
җавап тотарга туры киләчәк.