Бу объектлар Яңа Шимбергә ямь бирәләр

Хәмит Бадиков, 20 май 2020 - 17:30

953

ТР Президенты аппараты җитәкчесе Әсгать Сәфәровның авылдашларына ясаган зур бүләге турында хәбәр иткән идек инде.

Мәрмәрдән коелган, 1941-1945 язулы һәм мәңгелек ут сурәтләнгән бу һәйкәл бик матур гына түгел, гүзәл урынга да урнашкан. Аны читлек койма әйләндереп алган һәм обелискка бик киң брусчатка юл алып бара. Күп итеп чәчәк-веноклар салганнар, шуңамы, аеруча күркәм ул.

Янәшәсендә үк, Бөек Җиңүгә өлешен керткән батыр авылдашларын искә алып, дога кылу өчен "беседка" кебек махсус урын да төзелгән. Кыскасы, төптән уйлап, тиешенчә, җиренә җиткереп эшләгәннәр. Афәрин!

Следите за самым важным и интересным в Telegram-каналеТатмедиа