Әтнә таңы

Теле белән җанны телүчеләр дә бар

Рәнҗетмәгез юкка!

Усал телләр әйткән яман сүздән
Сыгылыплар куям кайчакта
Юри әйтә аның кайберләре
Белә торып ташлый учакка. 
Нәкъ сызлаган җиргә тозлар салып,
Тәмләп сораштыра үткәнне
Белә юкса ...искә алган саен
Авырырак була икәнне.
Бар андыйлар!
Адым саен хәтта...
Теле белән җанны телгәннәр.
Кешеләрнең кайгырганын күреп,
Йөзләренә карап көлгәннәр.
Юк көлмәгез!
Рәнҗетмәгез юкка!
Таштан түгел кеше йөрәге!
Иң куркыныч нәрсә бу дөньяда
Рәнҗеш арттан басып килгәне.
Кылдан нечкә күңел кылы гына
Өзә калсаң ялгыйм димә дә!
Бер аңларсың син дә вакыт җиткәч
Җан сызлавы ничек икәнне!
Шиһапова Гөлфия, Олы Әтнә авыл

С.Мингатина фотосы

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: